|
|
||
24-XI-97 г. было першы раз спынена друкаванне газеты "Свабода"... | ||
|
Што ж, гэта паўтараецца спрадвек - Iдзе да ўлады той, якi не варты. Схаваўшыся пасля за спiны варты, Кiруе абязгрэшаны стратэг. Спачатку цiскануць друкарнi бланкi I спiсы "папярэджаных газет", Талоны - ад мукi да цыгарэт, А потым на праспекты выйдуць танкi. У аб'ектыў альбо прыцэл не трапiць бы, Хоць не з грашыма - з галавой застацца б. Тым, хто абраў, не трэба сумнявацца. Ён правадыр - шчаслiвай галыцьбы. А на старонках афiцыйнай прэсы Вяршыня непрыемнасцяў - прагноз: Чакаецца спякота - цi мароз... Астатняе цэнзура перакрэслiць. На ёй бамжу цудоўна будзе спаць. Бо акрамя чужой тэлепраграмы I трох радкоў праверанай рэкламы Нi слова праўды там не адшукаць. Патруль амапаўскi з дубiнкамi прабег. Слупок тэрмометра прысеў, нiбы пабiлi. "Свабоду" ў гэты дзень забаранiлi. Быў дзень як дзень. I падаў мокры снег... 1997, лiстапад, 25 - 30 |
|